Wednesday, May 9, 2018

මිනිසුන්

සමනොළ තටු මත කටු ඇන හිනහෙති
කඳුලු වලට හුරු නැති මිනිසුන්
පිණි කැට මැද මැවු පැහැ දැක වැලපෙති
කලු සුදු ලොව ඉපදුන මිනිසුන්

තත්පර දිවියක පැය කටු සොයමින්
සිහින පොදි බඳී නොමියෙන මනසින්
පැතුම් යදම් වට සිරකර සරසති
හැරයන දා යන නිරුවත මිනිසුන්

බිඳී වෙන්ව සිරගත කල සිතිවිලි
ගැටේ නිතර පැරදුම මග හරිමින්
තනුවෙන් හැඩ කර රවටති රැවටෙති
එලිසම නැති ජීවිත මිනිසුන්

No comments:

Post a Comment